Велат дека името на Смилево асоцира на лековитото растение ‘смил’.
Но, најпопуларната легенда е онаа за тројцата браќа Смиле, Гале и Лазе, кои бегајќи од турскиот зулум, заминале на три страни.
Од нивните имиња настанале Галичник, Лазарополе и Смилево, каде што тие продолжиле да живеат и да создаваат семејства.
За митовите и легендите сите приказни се убави и секако дека постои некоја врска со реалноста. Факт е дека за време на исламизацијата, многу Мијаци се раселиле, па го населиле Смилево во далечната 1610 година која и се смета за година во која е зачетокот на ова посебно село.
